पश्चिम लमजुङको जितामा ट्याक्टर दुर्घट्ना

दक्षिण पश्चिम लमजुङको जितामा शनिबार ट्याक्टर दुर्घट्ना भएको छ । जिता गाँउ बिकास समिति वडा नम्वर ७ हटिया नजिकै ना ३ प ७८५७ नम्वरको ट्याक्टर दुर्घट्ना भएको हो । दुर्घटनामा चार जना घाइते भएका छन् । घाइते हुनेहरुमा सुजन लामा, प्रकाश गुरुङ, कैलास थापा, बिरेन्द्र बहादुर गुरुङ रहेका छन । घाइतेहरुलाई उपचारको लागि रम्घाको दुइपिप्ले लगिएको प्रहरीले जनाएको छ । 
घाइते भएका सवैजना खतरामुक्त भएको बताइएको छ । जिताबाट दाउरा लोड गरी सोतिपसल तर्फ जाँदै गरेको सो ट्याक्टर शनिबार मध्यान्ह जिताको सातधारे नजिकै दुर्घटना भएको प्रहरीले जनाएको छ ।

जितामा बृद्ध महिलाको हत्या

पश्चिम लमजुङको जिता गाबिसमा एक महिलाको हत्या भएको छ । जिता गाँउ बिकास समिति वडा नम्वर १ राइपालीकी ६० वर्षिय रेनुका केसीको गएराती अज्ञात समूहद्धारा हत्या भएको हो । केसी घरमा एक्लै भएको अवस्थामा धारीलो हतियार प्रयोग गरी हत्या गरिएको स्थानिय बासिन्दाले बताएका छन । गएराती मृतक केसीकी नातीनी शिक्षकको घरमा पढ्न गएको र बिहान फर्कि आउदा हजुर आमालाई मृत अवस्थामा फेलापारेपछि गाँउलेहरुलाई खवर गरेकी थिइन् । हत्या कसले के कती कारणले गर्यो भन्ने अहिले सम्म केहि थाहा पाउन नसकेपनि घटनाको बारेमा छानबिन गर्न प्रहरी घटनास्थलमा पुगेको र अनुसन्धान शुरु गरेको बताइएको छ ।

नेपाली चलचित्रसम्बन्धी कार्यशाला गोष्ठी सम्पन्न

लमजुङ, १२ मङ्सिर । नेपाली चलचित्रकर्मीहरुले अबका दिनमा नेपालीपन झल्कने मौलिक चलचित्र बनाउने दृढता व्यक्त गरेका छन् ।लमजुङको पर्यटकीय घलेगाउँमा सम्पन्न चलचित्र निर्देशकहरुको तेस्रो कार्यशाला गोष्ठीपछि चलचित्रकर्मीहरुले  हाल विद्यमान धारलाई परिवर्तन गर्ने दृढता व्यक्त गरेका हुन् । मङ्सिर ६ देखि ११ गतेसम्म सञ्चालित कार्यशाला गोष्ठीमा नेपाली चलचित्रहरुमा हलिउड र बलिउडबाट नक्कल गर्ने परम्पराका कारण मौलिकपन हराउँदै गएकोप्रति सहभागीहरुले चिन्ता जनाएका थिए ।चलचित्र निर्देशक समाजका अध्यक्ष विमल पौडेलले घलेगाउँ जस्ता प्राकृतिक र सांस्कृतिकरुपमा पनि सुन्दर गाउँका कथामा चलचित्र बनाउन गोष्ठीले प्रेरणा दिएको बताउनुभयो । “सहरको कोलाहलभन्दा ग्रामीण भेगमा नेपालीपनका चलचित्र धेरै बन्न सक्छन्”– पौडेलले भन्नुभयो । चलचित्र निर्देशक, लेखक, छायाँकार, समीक्षक, निर्माता तथा पत्रकारहरुको सहभागिता रहेको सो गोष्ठीमा नेपाली चलचित्र र विदेशी चलचित्रको तुलना गरिएको थियो । कार्यशालाका प्रशिक्षक तथा निर्देशक राजेन्द्र सलभले जातीय तथा सांस्कृतिक विविधतालाई चलचित्रमा उतार्न कार्यशाला फलदायी भएको विश्वास व्यक्त गर्नुभयो । निर्देशक लक्ष्मीनाथ शर्माले नेपाली चलचित्रमा मौलिकता ल्याउन देशका विभिन्न गाउँहरुमा जानुपर्ने सन्देश कार्यशालाले दिएको बताउनुभयो ।

मौलिक चलचित्र निर्माण, संस्कृति र समाजको विकास तथा चलचित्रमार्फत पर्यटन प्रवद्र्धन गर्ने उद्देश्यले सार्क राष्ट्रकै नमुना घलेगाउँमा कार्यशाला आयोजना गरिएको बताइएको छ । सो अवसरमा ग्रामीण जनजीवन, भेषभूषा, संस्कृतिलाई आधार बनाएर सातवटा लघु चलचित्र निर्माण गरिएको थियो । यी लघु चलचित्र आगामी दिनमा कथानक चलचित्र बनाउन कथाको खोजी गरिरहेकाहरुलाई उपयोगी हुने विश्वास गरिएको छ । कार्यशालामा  राजेश गंगज्यो, वरिष्ठ निर्देशक लक्ष्मीनाथ शर्मा, राजेन्द्र सलभलगायतले प्रशिक्षण दिनुभएको थियो । कार्यक्रममा लमजुङमा जन्मेका चलचित्र निर्देशक तीर्थ थापालाई सम्मान गरिएको थियो ।

दलहरुको सहमति विना निर्वाचनको मिति नसार्न सुझाव

नेकपा एमालेका अध्यक्ष झलनाथ खनालले दलहरुबीच सहमति नगरी निर्वाचनको मिति नसार्न सरकारलाई चेतावनी दिनु भएको छ। एमालेको प्रथम राष्ट्रिय प्रतिनिधि परिषद् बैठक सम्बन्धी स्मारिकाको मंगलबार पार्टी मूख्यालयमा सानेपामा विमोचन गर्दै उहाँले सहमति बिना संविधानसभा निर्वाचनको मिति सारे पनि निर्वाचन भने हुनै हालतमा नहुने ठोकुवा गर्नुभयो।
अध्यक्ष खनालले अहिले पनि सहमतिको विकल्प नभएको भन्दै सत्ताधारी दलहरुलाई  सर्वसत्तावादी सोच त्यागेर राष्ट्रिय सहमतिमा आउन आग्रह गर्नुभयो। सरकारले संवैधानिक अंगमा रिक्तता बढाएर संक्रमणकालमा आफ्नो सत्ता लम्ब्याउन खोजिरहेको उहाँको भनाई थियो ।

पृथ्वी राजमार्गमा पहिरो कैयौ यात्रु अलपत्र

नौविसे पोखरा सडकखण्ड अन्तर्गत पर्ने पृथ्वी राजमार्गको मलेखु मुग्लिङ सडकमा पर्ने जोगिमारा मौवाखोलामा आएको भिषण पहिरोका कारण कैयौ यात्रुहरु अलपत्र परेका छन् । एक घण्टा अगाडी गएको पहिरो गएपनि प्रहरीले बेवास्ता गरेको यात्रुहरुले वताएका छन् ।

एस डि यूवा क्लव भोर्लेटार विजयी

लमजुङ ८ असार । लमजुङ जिल्लाको पश्चिम क्षेत्र जिता गाँउ विकाश समिती वार्ड नं. ४ जिताकोटमा यस क्षेत्रको गुरुङ परम्परा अनुसार श्रावण १ गते राँको बाल्ने र श्रावण २ गते राँको बार्ने परम्परा रहिआएको छ । राँको बार्ने दिनमा स्थानिय यूवाहरुले स्थानीय स्तरमा फुटवल प्रतियोगिताको आयोजना गर्ने कार्य धेरै पहिलादेखि नै चलिआएको थियो । हाल आएर उक्त प्रतियोगिताले क्षेत्रीय स्वरुप प्राप्त गरेको छ ।  उक्त प्रतियोगितामा एस डि यूवा क्लव भोर्लेटार ए ले रेड स्टार यूवा क्लव जिता चिण्डेलाई ४–२ गोल अन्तरले हराएर प्रथम भएको छ भने रेड स्टार यूवा क्लव जिता दोश्रो भएको छ । कार्यक्रमका विजेता र उपविजेता टिमलाई मिलन शान्ति यूवा क्लवका अध्यक्ष विरसिंह खवास, मन्जावहादुर गुरुङ नेकपा माओवादी जिल्ला कमिटीका सदस्य वलराम पौडेलले विजेता टिमलाई राँगो, मेडल, प्रमाणपत्र र नगद ३००० रुपैंया वितरण गर्नुभएको थियो भने उपविजेता टिमलाई खसि, मेडल, प्रमाणपत्र र नगद ३००० रुपैया वितरण गरेका थिए । उक्त खेलको उत्कृष्ट खेलाडिको पदक जाल्पादेवी यूवा क्लवका अमित गुरुङले पाए भने सवैभन्दा धेरै गोल हान्ने खेलाडिको पदक एस डि यूवा क्लव भोर्लेटार ए का खेलाडि मिनबहादुर गुरुङले पाएका थिए । जसले सवैभन्दा धेरै अर्थात १४ गोल हानेका थिए ।  श्रावण सक्रान्तिको शुभ अवशर पारेर आयोजना गरिएको मैत्रिपूर्ण फुटबल प्रतियोगितामा विभिन्न ४ जिल्लाका ३७ टोलीको सहभागिता रहेको थियो ।

लम्जुङको जिताकोटमा मैत्रिपूर्ण फुटवल शुरु

लम्जुङको जिताकोटमा मैत्रिपूर्ण फुटवल शुरु
लमजुङ जिल्लाको पश्चिम क्षेत्र जिता गाँउ विकाश समिती वार्ड नं. ४ जिताकोटमा यस क्षेत्रको गुरुङ परम्परा अनुसार श्रावण १ गते राँको बाल्ने र श्रावण २ गते राँको बार्ने परम्परा रहिआएको छ । राँको बार्ने दिनमा स्थानिय यूवाहरुले स्थानीय स्तरमा फुटवल प्रतियोगिताको आयोजना गर्ने कार्य धेरै पहिलादेखि नै चलिआएको थियो । हाल आएर उक्त प्रतियोगिताले क्षेत्रीय स्वरुप प्राप्त गरेको छ । यस बर्ष पनि श्रावण सक्रान्तिको शुभ अवशर पारेर आयोजना गरिएको मैत्रिपूर्ण फुटबल प्रतियोगितामा विभिन्न ४ जिल्लाका ३७ टोलीको सहभागिता रहेको छ । उक्त खेलको उद्घाटन मिलन शान्ति युवा क्लवका अध्यक्षले गर्नुभएको थियो । आजको पहिलो उद्घाटन खेलमा मालिका यूवा क्लव थान्सिङले वेशिसहर यूवा क्लवलाई २–० गोलअन्तरले पराजित गरेको छ ।

साउनको पहिलो सातादेखि नेपालभर लोकल कल शुरु

काठमाडौं,  ल्यान्डलाइन टेलिफोनबाट देशभरिका मोबाइलमा पनि अब लोकल कल हुने भएको छ। टेलिकमले आगामी साउन १ देखि लोकल कल सुविधामात्र रहेका ल्यान्डलाइनबाट दिन लागेको यो सुविधा जिएसएम र सिडिएमए दुवै फोनका लागि हो। अर्को अञ्चलको मोबाइलमा फोन गर्न एसटिडी सुविधा हुनैपर्ने बाध्यता हटाएर लोकल कलको सुविधामात्र भएको फोनबाट देशभरि मोबाइलमा कल गर्न सकिन्छ ।


९२ प्रतिशत सरकारी सेयर रहेको दूरसञ्चार सेवा प्रदायक नेपाल टेलिकमले एसटिडी नभएको ल्यान्डलाइनबाट पनि अर्को अञ्चलको मोबाइलमा कल गर्न सक्ने व्यवस्था गर्न लागेको हो।

ुमोबाइलबाट मोबाइलमै देशभरि कल गर्दा एउटै स्थानीय चार्ज लाग्दै आएकोमा साउनदेखि एसटिडी नभएको ल्यान्डलाइनबाट पनि यो सुविधा थप्दैछौं,ु टेलिकम प्रवक्ता सुरेन्द्रप्रसाद थिकेले भने। अहिले काठमाडौंदेखि अरू अञ्चलका मोबाइलमा लोकल कलमात्र भएको ल्यान्डलाइनबाट फोन लाग्दैन। ल्यान्डलाइनबाट एउटा अञ्चलदेखि अर्को अञ्चलको मोबाइलमा कल गर्न एसटिडी सुविधा हुनुपर्छ।

ुएउटा अञ्चलको ल्यान्डलाइनबाट अर्को अञ्चलको मोबाइलमा कल गर्दा एसटिडीकै महसुल नलागे पनि सुविधा भने हुनैपर्थ्यो, त्यस्तो प्रावधान हटाउन लागिएको हो,ु थिकेले भने। अहिले ल्यान्डलाइनबाट देशभरि जहाँसुकैको मोबाइलमा कल गर्दा पनि मिनेटको एक रुपैयाँमात्र महसुल लाग्छ।

एउटा अञ्चलमा लिएको मोबाइल अर्कै अञ्चलमा पुगेर प्रयोगमा भइरहेकाले एसटिडी हुनैपर्ने प्रावधान अव्यावहारिक ठान्दै हटाउन लागिएको हो। ुयसबाट टेलिकमको आर्थिक पक्ष पनि राम्रो हुने हाम्रो विश्लेषण छ,ु उनले भने।

एसटिडी नभएको फोनबाट अर्को अञ्चलमा फोन गर्न मिल्ने हो भने कल संख्या र समयसमेत बढ्ने अपेक्षा टेलिकमको छ। विराटनगर वा नेपालगन्जमा रहेका टेलिकमका मोबाइल ग्राहक काठमाडौं आउँदा यहाँ स्थानीय कलमात्र भएको ल्यान्डलाइनबाट कल हुन सक्दैनथ्यो। साउनदेखि यो व्यवस्था हटाएर स्थानीय कलको सुविधामात्र भएको ल्यान्डलाइबाट पनि देशभरि जहाँसुकैका मोबाइलमा सिधै कल गर्न मिल्ने प्रावधान थप्दैछ।

टेलिकमले अहिले मोबाइलमा मेचीदेखि महाकालीसम्म जहाँ कल गरे पनि पोस्टपेडमा मिनेटको एक रुपैयाँ र प्रिपेडमा डेढ रुपैयाँमात्र लिने एकल महसुल दर लगाएको छ। तर, ल्यान्डलाइनमा भने लोकल,क,ख र ग  वर्ग गरी तीन प्रकारको महसुल छ।

एसटिडी सुविधा लिनैपर्ने र तीन वर्ग हटाएर भविष्यमा देशभरि एउटै लोकल दर लगाउनेतर्फ पनि टेलिकमले अध्ययन गरिरहेको छ।

कुनै हालतमा चुनाव हुन सक्दैनः विपक्षी दल

काँग्रेस एमालेसहित प्रमुख विपक्षी दलले मंसिर ७ मा घोषित गरेको चुनाव कुनै हालतमा नहुने ठोकुवा गरेका छन्। मंगलबार निर्वाचन आयोगका पदाधिकारीसँग छलफलमा उनीहरुले चुनावका लागि आवश्यक कानुन संशोधनमा सहमतिको सम्भावना नरहेको दाबी गरेका हुन्।
सरकारले दलीय सहमतिबिना एकतर्फी रुपमा चुनाव घोषणा गरेपछि त्यो असंवैधानिक हो भन्दै त्यसको विरोध जनाएरै हामी सरकारबाट बाहिरिएका थियौं,ु बैठकमा सहभागी एमाले केन्द्रीय सदस्य योगेश भट्टराईले भने, ुमाओवादी अध्यक्ष नै संविधानसभा ब्युँताउनुपर्छ भनेर हिँडेका छन्, त्यसबाहेक सबैजसो दल यो चुनावको विपक्षमा छन् कसरी हुन्छ चुनाव
उनले बरु लामो समयदेखि स्थानीय निकाय जनप्रतिनिधिविहीन भएकाले सहमति जुटाएर स्थानीय निकायको चुनाव गराउनुपर्ने बताए।कांग्रेस केन्द्रीय सदस्य आनन्दप्रसाद ढुंगानाले आफूहरु पार्टी निर्वाचनमा नडराउने, तर पूर्वाधार र सहमतिबिना राजनीतिक हैसियत गुमाइसकेको सरकारले तोकेको निर्वाचनमा भाग नलिने बताएका छन् । अन्तरिम संविधानमा संविधानसभाबाट संविधान जारी नभएमा दोस्रो चुनाव गराउने व्यवस्था नभएकाले संसदीय चुनावपछि मात्रै त्यसले संविधानसभाको चुनाव गराउन सक्ने बताए।
अहिले चुनावका लागि कानुनी बाधा परेपछि दलीय सहमति खोज्ने सरकाले चुनाव घोषणा गर्नुअघि किन सहमति नदेखेको उनले प्रतिप्रश्न गरे।

बैठकमा सहभागी एकीकृत माओवादी पोलिटब्युरो सदस्य नवराज सुवेदीले संविधानसभा विघटनपछि चुनावमा जानुको विकल्प नरहे पनि निर्वाचन गराउन दलीय सहमति आवश्यक रहेको बताए। दलहरुबीच सहमति बनेर संविधान संशोधन हुन नसके चुनाव हुन नसक्ने कुरा वताए ।

राष्ट्रिय जनमोर्चाका अध्यक्ष चित्रबहादुर केसीले अरु दललाई बाइपास गरेर माओवादी नेतृत्वको सरकारले चुनाव घोषणा गर्नु सत्ताकब्जाको रणनीति भएको आरोप लगाए।हुदै नहुने चुनाव निर्वाचन आयोगले हलो अड्काएर गोरु चुट्ने काम भएको नेता के.सीले वताए ।

दलहरु नमिले राजसंस्था व्युतन्छ ः हिसिला
एकीकृत ने.क.पा माओवादीकी नेतृ हिसिला यामीले दलहरु नमिले राजसंस्था व्युतने कुरा व्याक्त गरेकी छन् । रिपोर्टस नेपालले गरेको साक्षात्कारमा उनले यस्तो कुरा व्याक्त गरेकी हुन् । नेपालको वजेटको विषयलाई लिएर भएको साक्षात्कारमा पूर्ण वजेटको विकल्प नरहेको उल्लेख गर्नुभयो । सोहि कार्यक्रममा नेपाली काँग्रेसका केन्द्रिय सदस्य दिपकुमार उपाध्यायले जनता र राष्ट्रका लागि वजेट भएकाले सहमति विना वजेट आउन नसक्ने कुरा व्याक्त गरेका थिए । नेकपा एमालेका केन्द्रिय सदस्य गगालाल तुलाधरले चुनावलाई तोकेर ल्याउने वजेट आँफू र आफ्नो पार्टीलाई स्वीकार्य नहुने कुरा व्याक्त गरेका थिए ।

पूर्वराजासँग लिखित सहमती भएको छैन ः सिटौला

 नेपाली काँग्रेसका महामन्त्री कृष्णप्रसाद सिटौलाले दश दिनभित्र राष्ट्रिय सहमति बन्ने खुलासा गरेका छन् । रिपोर्टर्स क्लब नेपालको साक्षात्कारमा बोल्दै उनले सहमतिको खाका कोरिइरहेको भन्दै देश नयाँ ढंगले अघि बढ्ने बताए ।
‘दश दिनभित्र देशमा नयाँ राष्ट्रिय सहमति बन्छ,’ सिटौलाले भने ‘राष्ट्रिय सहमतिको सरकार निर्माण भई विद्यमान गतिरोध अन्त हुन्छ ।’ रिपोटर्स क्लबको साक्षात्कारमा उनले सहमतिको विकल्प नभएको भन्दै त्यसका लागि सबै जिम्मेवार ढंगले प्रस्तुत हुनुपर्ने बताए । नेपाली काँग्रेसकै नेतृत्वमा राष्ट्रिय सहमतिको सरकार बन्ने दाबी गर्दै त्यसका लागि जोडतोडका साथ छलफल चलिरहेको उनको भनाई थियो । सरकारको नेतृत्वबारे उठेको जिज्ञासामा भने,‘काँग्रेसको नेतृत्वमा राष्ट्रिय सहमतिको सरकार बन्ने सहमति भएको एक घण्टाभित्र सर्वसम्मतबाट साझा उम्मेदवार दिन्छौं ।’ हाल चर्चामा आएका नामहरु हचुवाका भरमा ल्याइएको बताए । माओवादी, एमाले, मधेशवादी दललगायत सबै दलसँग नयाँ सहमति र सरकारबारे आफूहरुले कुराकानी गरिरहेको बताए । प्रधानमन्त्री डा।बाबुराम भट्टराई नेतृत्वको सरकार परिवर्तन गरी नयाँ सरकार गठन गर्नुको विकल्प नभएको तर्क गरे ।
चुनाव या संविधानसभा पुनःस्थापनाबाहेकको विकल्प नभएको भन्दै त्यसैलाई केन्द्रबिन्दुमा राखेर छलफल चलिरहेको खुलाए । काँग्रेस संविधानसभा पुनःस्थापनाको पक्षमा नभएको तर त्यसबारे छलफल गर्न तयार रहेको बताए । पार्टीभित्र पुनःस्थापनाबारे बहस उठेको जानकारी दिए । सहमतिका लागि विकल्पहरुबारे छलफल चलेपनि विद्यमान वाधाअड्चन फुकाउन राष्ट्रिय सहमतिको नयाँ सरकार बन्नैपर्नेमा उनको जोड थियो । वर्तमान सरकारले तोकेको समयमा चुनाव हुननसक्ने ठोकुवा गर्दै राष्ट्रिय सहमतिको नयाँ सरकारले मात्र चुनाव गर्नसक्ने बताए ।
पूर्ण बजेट कुनै हालतमा आउननसक्ने तर्क गरे । पूर्ण बजेट ल्याउन कानुनी अड्चन भएको भन्दै एक तृतीयांश बजेट आउने बताए ।  अब बन्ने सरकारले सहमतिबाट पूर्ण बजेट ल्याउने उनको भनाई थियो ।
माओवादी इमान्दार नहुँदा मुलुकले ठूलो मूल्य चुकाउनुपरेको समेत बताए । उनले भने,‘माओवादी इमान्दार भएका भए सेना समायोजन धेरै पहिल्यै भएर देशले उहिल्यै निकास पाउँथ्यो ।’ आजसम्म भएका समस्याको दोषी माओवादी भएकाले उसले जिम्मेवार ढंगले आफूलाई प्रस्तुत गर्नुपर्ने बताए । १२ बुँदे समझदारीबाट शुरु भएको शान्ति प्रक्रियाअनुरुप काम भएको भए देशले काँचुली फेरिसक्थ्यो भन्दै देशलाई पुनः सही ट्रयाकमा ल्याउनुपर्नेमा जोड दिए ।
पूर्वराजा ज्ञानेन्द्र शाहको पछिल्लो अभिव्यक्तिको चर्को आलोचना गर्दै सरकारले दिइआएको सुविधा खोस्नुपर्ने बताए । नागरिकका रुपमा चुपचाप नबसी राजनीतिक अभिव्यक्ति दिदै हिंड्नुलाई आपत्तीजनक भने । सिटौलाले भने,‘पूर्व राजाले विगतमा संवैधानिक राजसंस्था कायमै राखेर २०४७ सालकै संविधानबसेर अघि बढ्ने लिखित सम्झौता भएको अभिव्यक्ति झूट हो । सम्झौता भएको छैन, भएको छ भने देखाउन चुनौती दिन्छु ।’ नभएको सहमति छ भन्दै सफेद झूट बोल्दै हिंड्नु पूर्व राष्ट्रप्रमुखलाई सुहाउँदैन । सरकारले दिइआएको सुविधा बिर्सेर जनतामा भ्रम छर्दै हिंड्नु गलत हो । ज्ञानेन्द्र शाहले हुँदै नभएको कुरा बोल्दै हिंड्नुका पछाडि पुनः राजा बन्ने सपना लुकेको हुनसक्ने बताए । शाहको राजतन्त्र फर्काउने सपनालाई नेपाली जनताले कहिल्यै स्वीकार्न नसक्ने भन्दै प्रतिगामी प्रवृत्तिको सामना नेपाली जनता आफैले गर्ने र गतिलो जवाफ दिने बताए ।
प्रधानमन्त्री डा।बाबुराम भट्टराईले सरकारले दिइआएको सुविधाबारे तत्काल निर्णय गर्नुपर्ने बताए । माघ १९ ल्याउन उक्साउनेहरुले नै पूर्वराजालाई पछिल्लो अभिव्यक्ति दिदै हिंड्न उक्साइरहेको बताए । नेपालमा राजतन्त्र फर्कन नसक्ने ठोकुवा गर्दै उनले भने,‘देश लोकतान्त्रिक गणतन्त्रमा प्रवेश गरिसकेको छ, अब फेरि राजतन्त्र आउँछ भन्नु कोरा कल्पना मात्र हो । कसैले राजतन्त्र फर्काउँछु भन्नु मनको लड्डु घ्यूसित खानुबराबर हो ।’ गणतन्त्र संस्थागत हुननसकेको बारे सोधिएको प्रश्नमा उनले भने,‘ऋषि धमलाजी गणतन्त्र संस्थागत भइसकको छ । ज्ञानेन्द्र शाह नागरिक भएर नागार्जुन पसिसकेका छन् । उनले गल्ति दोहो¥याइरहे त्यो सुविधा समेत रहँदैन ।’

पर्सामा तनाव
सरकारले आफ्नो सेवा र सुविधा कटौती गरेको भन्दै सडकमा उत्रिएका शिक्षकहरु र सुरक्षामा खटिएका प्रहरीहरुविच झडप भएको छ । झडपमा परि ३ जना शिक्षकहरु घाईते भएका छन् । घटनामा आक्रोशित शिक्षकहरुले प्रहरीका २ वटा गाडी समेत तोडफोड गरेका छन् ।

जिता २ तल्लो रायपालीमा खानेपानी सेवा वितरण
 जननी जन्मभूमिश्च स्वर्गादपि गरियसी भन्ने उखानलाई सार्थक पार्नका लागि लम्जुङ जिल्ला जिता गा.वि.स वार्ड नं २ तल्लो रायपालीलाई आफ्नो जन्मभूमि वनाएर चितवन जिल्ला चम्फानगर गा.वि.स मा वस्दै आएका तिर्थराज रेग्मीले आफ्नो आमाको संझना र आफू जन्मेको ठाँउमा खानेपानी सेवाको लागि पानीको ड्रम र पाईप वितरण गरेका छन् । उक्त सामानको वितरण सँगै सोही गाँउका ६ घरपरिवारका करिव ४० व्याक्तिहरु लाभान्वित भएको कुरा स्थानीय राजेन्द्र रेग्मीले वताए ।

एकीकृत नेकपा माओवादी औपचारिक रुपमा विभाजन

काठमाडौं , असार ४ ( विघटित संविधानसभाको सबैभन्दा ठूलो दल नेपाल माओवादी औपचारिक रूपमा विभाजन भएको छ । उपाध्यक्ष मोहन वैद्यले आइतबार कार्यकर्ताको राष्ट्रिय भेलामा गरेको नयाँ पार्टी गठनको प्रस्तावलाई सर्वसम्मतले पारित गरेपछि माओवादी फुटेको हो ।

स्नातक तह सन्चालनका लागि महायज्ञ,एक करोड भन्दा वढी रकम संकलन

लमजुङको कुन्छास्थित शान्ति उच्च माध्यमिक विद्यालयमा आयोजना गरिएको श्रीमद् भागवत सप्ताह महायज्ञवाट १ करोड भन्दा बढी रुपैँया संकलन भएको छ ।
विद्यालयको भौतिक एवं शैक्षिक स्तरमा वृद्धि तथा क्याम्पस स्थापनाका लागि संचालन गरिएको महायज्ञमा भागवत् भाष्कर यूवा पण्डित कमलनयन गौतमको मुखारावृन्दबाट वाचन भएको थियो ।
विद्यालयमा सवैभन्दा धेरै जिताका बामदेव गौलीले ५ लाख ५५ हजार ५ सय ५ रुपैँया दान गर्नुभयो । यसैगरि रुपाकोट कुशीमराङका ग्ाोर्ख्ाामेजर कृष्ण वहादुर गुरुङले २ लाख ११ हजार १ सय १ रुपैँया प्रदान गर्नुभयो । जिता घर भएका डाक्टर हरिचन्द्र न्यौपानेले २ लाख रुपैँया, कुन्छा घर भई हाल वेलायतमा वसोवास गर्नुहुने मिलन गुरुङले मिलन गुरुङले १ लाख ११ हजार १ सय ११ रुपैँया र स्वर्ण्र्ााेट निर्माण, तनहुँ घर भई हाल वेलायतमा रहनुभएका आस वहादुर गुरुङले १ लाख ११ हजार १ सय ११ रुपैँया, काठमाडौँका रामकुमार चुकेले १ लाख १० हजार १ रुपैँया, काठमाडौँकै प्रकाश चुकेले १ लाख १० हजार १ रुपैँया, नयाँदिल्ली नारायण विश्वशान्ति श्रेष्ठवाट १ लाख १० हजार १ रुपैँया, धुसेनी घर भई हाल पोखरा स्टार ट्रेड कर्न्र्सनका राजेन्द्र तिवारीवाट १ लाख ५ हजार १ रुपैँया, कुन्छा १ का हुकुमसिङ गुरुङवाट १ लाख १ हजार १ रुपैँया, रुपाकोट ९ का काशीदत्त मिश्रले १ लाख ५ सय ११ रुपैँया, कुन्छा ७, खमारीबोटका नारायण बहादुर शाहीले १ लाख १ सय ८ रुपैँया, कुन्छा २ का ध्रुव मल्लको परिवारजनबाट स्वर्गीय हजुरबुवा र पिताको स्मृतिमा १ लाख १ सय ८, ध्रुव मल्ल दाजु मोहन मल्लको स्मृतिमा थप कुन्छा ५० हजार १ सय ८, कुन्छा ३ का शुभनाथ मिश्रवाट १ लाख ८ रुपैँया, प्रधानाध्यापक मुक्तिनाथ घिमिरे -जीता) वाट १ लाख १ रुपैँया सहयोग प्राप्त भएको विद्यालयले जनाएको छ ।
यसैगरि, संघसंस्थाले पनि कुन्छास्थित कुन्छा उच्च माविलाई सहयोग गरेको विद्यालयले जनाएको छ । यसैक्रममा कुन्छा गा.वि.स.ले ४ लाख ५० हजार, च्वाईस नेपालले ४ लाख रुपैँया, कुन्छा गाविसमा रहेको कुन्छा गाविस सयुंक्त वाल क्लव -९वटा विद्यालयका विद्यार्थीहरु) वाट १ लाख १ सय ११ रुपैँया, कुन्छा २ गौली गाउँ सामुदायिक वन उपभोक्ताहरुबाट १ लाख १ सय ८ रुपैँया, कुन्छा गा.वि.स. दलित आरक्षणको १ लाख १ सय ८ रुपैँया विद्यालयलाई प्राप्त भएको वताईएको छ ।
विद्यालयको भौतिक तथा शैक्षिक स्तरोन्नति र क्याम्पस संचालनका लागि आयोजना गरिएको महायज्ञमा स्थानीवासिन्दाले धेरैभन्दा धेरै सहयोग गरेकाछन् । सहयोग गर्ने महानुभाव सवैलाई विद्यालयले धन्यावाद समेत ज्ञापन गरेको छ । विद्यालयमा एक सातासम्म महायज्ञ संचालन गरिएको थियो ।

लमजुङ जीतामा १२ वर्षपछि खानेपानी आयोजना सम्पन्न

             जिता गाँउ बिकास समतिको वडा नम्वर ४ र ५ मा १२ वर्षअघिदेखि निर्माणाधिन खानेपानी आयोजना सोमबार सम्पन्न भएको छ । २०५६ सालबाट शुरुभएको उक्त खानेपानी आयोजना सम्पन्न भएपछि सोमबार एक कार्यक्रमका विच उद्घाटन गरिएको छ । खानेपानी आयोजना सम्पन्न भएपछि स्थानियबासी खुशी भएका छन् । नेपाल सरकार, एशियाली बिकास बैक अर्न्तर्गत ग्रामिण पर्ुननिर्माण तथा पर्ुनस्थापना कार्यक्रम (थ्री आर० र स्थानिय बासिन्दाको जन श्रमदानबाट खानेपानी आयोजना निर्माण गरिएको हो । उक्त खानेपानी आयोजना सिन्दुरे गाँउ बिकास समितिको भाँगु गाँउबाट ल्यार्र्इर्र्एको हो ।
आयोजना सम्पन्न पश्चात सोमवार एक कार्यक्रमको आयोजना गरि पर्ूव जिविस सभापती एवं नेकपा एमाले जिल्ला कमिटीका अध्यक्ष जमिन्द्रमान घलेले उद्घाटन गर्नुभएको छ । उदघाटन कार्यक्रममा मन्तब्य राख्दै घलेले लामो समय लगाएर निर्माण गरिएको उक्त खानेपानी आयोजनालाई सरक्षण गर्न र पिउने पानी लागयत जिविकोपार्जनको लागि करेसाबारीमा पनि उपयोग गर्न आग्रह गर्नुभयो । कार्यक्रममा नेपाली काँग्रेस जिल्ला कार्यसमिति सदस्य रामचन्द्र पराजुली, जिविस पर्ूव सदस्य एवं नेपाली काँग्रेस जिता गाँउ कार्य समितिका कार्यवहाक सभापती खेमराज पौडेल, नेकपा एमाले जिता गाँउ कमिटिका अध्यक्ष रामनाथ पौडेल, राप्रपा जिता गाँउ कार्यसमितिका अध्यक्ष कुलप्रसाद पौडेल, जिल्ला बिकास समितिका इन्जीनियर बामदेव पौडेल लगायतले मन्तब्य राख्नुभएको थियो ।
१२ बर्षअघि शुरु भएको सो आयोजना तत्कालीन दन्द्ध र सरकारले उपलब्ध गराएको बजेट पर्याप्त नहुँदा सम्पन्न हुन सकेको थिएन । आयोजना लागि जिल्ला बिकास समितिले रु ३७ लाख २० हजार ४ सय २०, ग्रामिण पर्ुननिर्माण तथा पर्ुनस्थापना कार्यक्रम बाट ३१ लाख ४९ हजार ५ सय ३८ र स्थनियबासीको करिव ५ लाख ६६ हजार २ सय ८० वराबरको जनश्रमदानबाट निर्माण भएको हो ।
आयोजना मुख्य लाइन ८ किलोमिटर र शाखा करिव २ किलोमिटर गरि करिव १० किलोमिटर लामो रहेको छ । १२ हजार लिटरको ट्याङ्कीमा पानी जम्मा गरि १३ वटा धाराबाट पानी बितरण गरिएको छ । उक्त आयोजनाबाट जिता गाविसको वडा नम्वर ४ र ५ का करिव ७० घर धुरीका ६ सय १२ जना लाभान्वित भएका छन् । खानेपानीको लागी घन्टौ हिड्नुपर्ने बाध्यता भएका जिताबासीलाई गाँउमै खानेपानी आयोजना निर्माण भएपछि गाउँलेहरु उद्घाटन कार्यक्रममा नाचगान समेत गरेका थिए । खानेपानी उपभोक्ता समितिका अध्यक्ष हेमलाल गुरुङको अध्यक्षतामा सम्पन्न उद्घाटन कार्यक्रममा पानि दिने सिन्दुरेका भाँगुका मुहान बासीलाइ सम्मान गरिएको खानेपानी निर्माण समितिका सचिव बिरसिङ खवासले जानकारी दिनुभयो ।

माओवादीको वैद्य पक्षको भेला आजदेखि राजधानीमा शुरु

            
माओवादी उपाध्यक्ष मोहन वैद्य पक्षले शनिबारदेखि आफूपक्षीय ुराष्ट्रिय कार्यकर्ता भेलाु गर्दैछ । बौद्धस्थित शेर्पा सेवा केन्द्रमा गरिने भेलाको शनिबार उपाध्यक्ष वैद्यले उद्‍घाटन गर्नेछन् ।

माओवादीको नेवाः राज्य कमिटी इञ्चार्ज हितमान शाक्यले आफ्नो विचार समूह समर्थित अधिकांश नेता, कार्यकर्ता आइसकेको र केही आउने क्रम जारी रहेको जानकारी दिए । करिब दुई हजार राज्य समिति सदस्य सहभागी हुने दाबी गर्दै भेलाका लागि नाम दर्ता गर्ने कार्य जारी रहेको उनले बताए । ुसाथीहरू आउने क्रम जारी छ । शनिबार बिहानसम्म पनि नाम दर्ताको क्रम जारी रहन्छ,ु पोलिटब्युरो सदस्य शाक्यले भने ।

वैद्य पक्षीय अर्का पोलिटब्युरो सदस्य खड्गबहादुर विश्वकर्माले संस्थापन पक्ष जनवादी क्रान्ति र मालेमावादको सिद्धान्तमा रूपान्तरण भए एकताको सम्भावना अझै रहेको बताए । ुअध्यक्ष प्रचण्ड ९पुष्पकमल दाहाल० र उपाध्यक्ष बाबुरामजी रूपान्तरण भएर आएमा पार्टी एकता हुन सक्छ,ु उनले भने ।

पार्टी एकताबारे संस्थापन पक्षसँग छलफल जारी रहने उनले बताए । शुक्रबार वैद्य पक्ष पोलिटब्युरो बैठकले पनि संस्थापन पक्षसँग वार्ता जारी राख्ने निर्णय गरेको थियो । माओवादी अध्यक्ष दाहालले शुक्रबार संस्थापन पक्षको खुल्लामञ्चको सभामा पनि वैद्य पक्षलाई एकताका लागि आह्वान गरेका थिए । त्यसअघि दाहालले एकताका लागि सातबुँदे लिखित प्रस्ताव वैद्यसमक्ष पेस गरेका थिए । वैद्य पक्षले उक्त प्रस्ताव अमूर्त भएको भन्दै बिहीबार आफ्नो प्रत्युत्तर बुझाएको छ । अध्यक्षको प्रस्ताव स्पष्टतासहित र माग सम्बोधन गर्ने खालको भए भेला स्थगनको मनस्थिति बनाएको तर त्यसो नभएकाले भेला गर्ने निर्णयमा पुगेको वैद्यले बताएको थियो ।

पोलिटब्युरो सदस्य शाक्यले राज्य समिति सदस्यहरूसँग छलफल गरेर नयाँ पार्टीको जन्म हुन सक्ने बताए । ुनयाँ धार जन्मिसकेको छ, नयाँ धारबाटै नयाँ पार्टी जन्मन सक्छ,ु उनले भने ।

भेलामा उपाध्यक्ष वैद्यले राजनीतिक, महासचिव रामबहादुर थापाले सांगठनिक, सचिव सीपी गजुरेलले समसामयिक राजनीतिक र स्थायी समिति सदस्य देव गुरुङले विभागको प्रतिवेदन प्रस्तुत गर्ने छन् । तीन दिनसम्म चल्ने  भेलाका सहभागीका लागि दिउँसो खाना व्यवस्था शेर्पा सेवा केन्द्रमै गरिएको छ ।

काँग्रेस एमालेद्धारा आन्दोलनको घोषणा

काठमाडौं , अषाढ २ ( कांग्रेस(एमालेसहितका प्रतिपक्षी दलहरुले सरकारविरुद्धका आन्दोलन कार्यक्रम घोषणा गरेका छन् । राजधानीमा शनिबार बसेको २७ दलको बैठकले प्रधानमन्त्री बाबुराम भट्टराईको राजीनामा माग गर्दै आन्दोलन कार्यक्रम घोषणा गरेका हुन् ।

एसएलसीको रिजल्ट आज वेलुकासम्म हुने

भक्तपुर, ३१ जेठ। परीक्षा नियन्त्रण कार्यालय सानोठिमीले गत वर्ष सञ्चालित प्रवेशिका अर्थात् एसएलसी परीक्षाको नतिजा आज सार्वजनिक गर्ने भएको छ। कार्यालयले गत चैत ७ देखि १६ गतेसम्म मुलुकभर एकैसाथ सञ्चालन गरेको एसएलसी परीक्षाको परीक्षाफल प्रकाशन गर्ने अन्तिम तयारी भएको जनाइएको छ । उत्तरपुस्तिकाको कोडिङ सकेर रुजु गर्ने कार्य समेत सकिएको जनाउँदै कार्यालयले आज दिनभरको बाँकी काम सम्पन्न गरी अपराह्नसम्म परीक्षाफल सार्वजनिक गर्ने तयारी गरिएको हो।

कार्यालयले बुधबार परीक्षाफल प्रकाशन गर्न अपराह्न बोर्ड बैठक बोलाएको र प्रहरीसँग सुरक्षा समेत माग गरेको बताइएको छ। कार्यालयका उपनियन्त्रक अम्बिका रेग्मीले परीक्षाको नतिजा आजै सार्वजनिक गर्ने अन्तिम तयारीमा जुटिएको र यस वर्ष पनि गत वर्षजस्तै छिटो नै अर्थात् उज्यालोमै परीक्षाफल सार्वजनिक गर्ने तयारी भएको बताउनुभयो।

यस वर्षको एसएलसी परीक्षामा नियमिततर्फ चार लाख ४५ हजार ९७४ र एक्जाम्टेडतर्फ ८२ हजार २८३ जना परीक्षार्थी सहभागी भएका छन्।

मिडियाको लागि समाचार को अन्त्य

               सधैजसो संविधानको जल्दोवल्दो न्यूज लिएर प्रकाशन प्रसारण गर्ने मिडियाको लागि समाचार हिजोको मितीदेखि कम भएको छ । राष्ट्रिय राजनीतिको समाचार प्रकाशन तथा प्रसारणमा मिडियाले महत्वपूर्ण भूमिका खेलेको छ ।

संविधान सभा मर्यो

संविधान सभा मर्यो
अन्तिम घडी जेठ १४ गते राती सम्म पनि दलिय सहमति जुटेन । अन्त्यमा संविधान जारी नगरी जननिर्वाचित संविधान सर्वोच्च अदालतको आदेश अनुसार संविधान सभाको म्याद स्वत विघटन भएको छ । प्रमुख दलहरुविच पटक पटक वसेको वैठकमा सहमति जुट्न नसकेपछि प्रधानमन्त्री वावुराम भट्टराईले मन्त्रीपरिषद्को आकस्मिक वैठक वोलाई उक्त निर्णय गरेका हुन् । एमालेका महासचिव तथा उपप्रधानमन्त्री ईश्वर प्रोख्रेल,राप्रपा र जनता दलवाट सरकारमा गएका मन्त्रीहरुको असहमतिको वावाजुद प्रधानमन्त्री भट्टराईले यस्तो निर्णय गरेका हुन् । उक्त निर्णयको सरकारको प्रमुख प्रतिपक्षी दल नेपाली काँग्रेस, नेकपा एमाले, मदेशी जनअधिकार फोरम नेपाल, माओवादीको वैद्य समुह र अन्य साना दलले विरोध गरेका छन् । उक्त निर्णयको विरोधमा चितवन, सिरहा र देशका विभिन्न ठाँउमा प्रधानमन्त्रीको पुत्ला दहन गरेका छन् । भर्खरै प्राप्त समाचारअनुसार आज मिती २०६९ जेठ १५ गते ५ वजे ने.वि.सँघ ले प्रधानमन्त्रीको पुत्ला दहन गर्ने जनाएको छ ।

लमजुङ काँग्रेस सभापतिद्धारा चिन्ता व्यक्त
  नेपाली काँग्रेस लमजुङका पार्टि सभापति कृष्ण कोईरालाले लमजुङमा आफ्नो पार्टि नेपाली काँग्रेस कमजोर भएको वताउनुभएको छ । लमजुङमा आफ्नो जन्मभूमि भएर काठमाडौमा वस्दै आएका पार्टिका कार्यकर्ताहरुसँग गत वुधवार कुरा गर्दे कोईरालाले उक्त कुरा वताउनुभएको थियो । लमजुङमा जन्मीएर काठमाडौमा वसि राजनीति गर्ने नेताहरुलाई लमजुङमा गएर राजनीति गर्नुपर्ने कुरा वताउनुभएको थियो । काठमाडौमा वसेर लमजुङको वारेमा समग्र कुरा थाहा पाउन नसकिने कुरा वताउनुभयो । नेपाली काँग्रेस लमजुङ काठमाडौ सम्पर्क समाजको स्थिती पनि भद्रगोल भएको कुरा वताउनुभयो । उक्त स्थितीलाई भद्रगोल हुन नदिन नेपाली काँग्रेस लमजुङका आदरणिय नेताहरु दिलवहादुर घर्ति, रामचन्द्र अधिकारी, रामवहादुर गुरुङ , हरिभक्त अधिकारी, विष्णु धिताल आदिले सोच्नुपर्ने वताउनुभयो ।

पत्रकारमाथि साघातिक आक्रमण
जेठ १४ गते नजिकिँदै गर्दा नेपालमा विभिन्न वन्द र हड्तालहरु शुरु भएका छन् । विभिन्न जातिय नाममा भएको आन्दोलनले गर्दा देश यतिखेर द्धन्द्धको मारमा परेको छ । गत हप्ता व्राम्हण क्षेत्री समाजले गरेको वन्द सँगै अखण्ड शुदूरपश्चिम, अखण्ड मध्यपश्चिम र जनजाती समाजले गरेको वन्दले देशैभरिको जनजीवन कष्टकर बनेको छ । व्राम्हण क्षेत्रीको वन्द भन्दा जनजातीको वन्द भने अलिक फरक खालको थियो । उक्त वन्दमा भने राष्ट्रको चौथो अङग मानिने प्रेस र पत्रकार जगतलाई सागतिक हमला भएको छ ।

जातिय राज्य चाहिंदैन,

देश टुक्राउन पाईदैन ।

कुन्छाको सामान्य चिनारी कुन्छा लमजुङको पुरानो सदरमुकाम हो । यो अहिलेको सदरमुकाम वेशिशहरवाट करिव ३२ कि.मी पश्चिममा पर्छ । कुन्छा वि.सं २०२६ साल भन्दा अगाडिको सदरमुकाम तथा अहिर्ले एक गाँउ विकास समिती (गा.वि.स) को रुपमा रहेको छ । कुन्छा भौगोलिक विविधताले सुविधासम्पन छ । यहाँको हावापानी मध्यम स्तरको रहेको छ । यहाँ सामान्न रुपमा नेवार, गुरुङ, व्राम्हण, क्षेत्रि तथा दलित समुदायको वढि मात्रामा वसोवास रहेको छ । कुन्छा गा.वि.स को पूर्वमा परेवाडाँडा गा.वि.स, पश्चिममा जीता गा.वि.स., उत्तरमा दुराडाडाँ गा.वि.स. र दक्षिणमा तनहूँको मिर्लुङ गा.वि.स पर्दछ । यहाँ यातायातका साधनहरु देखि सम्पूर्ण विकासका पूर्वाधारहरुको विकाश भएको पाईन्छ ।

कुन्छाको सामान्य चिनारी
कुन्छा लमजुङको पुरानो सदरमुकाम हो । यो अहिलेको सदरमुकाम वेशिशहरवाट करिव ३२ कि.मी पश्चिममा पर्छ । कुन्छा वि.सं २०२६ साल भन्दा अगाडिको सदरमुकाम तथा अहिर्ले एक गाँउ विकास समिती (गा.वि.स) को रुपमा रहेको छ । कुन्छा भौगोलिक विविधताले सुविधासम्पन छ । यहाँको हावापानी मध्यम स्तरको रहेको छ । यहाँ सामान्न रुपमा नेवार, गुरुङ, व्राम्हण, क्षेत्रि तथा दलित समुदायको वढि मात्रामा वसोवास रहेको छ । कुन्छा गा.वि.स को  पूर्वमा परेवाडाँडा गा.वि.स, पश्चिममा जीता गा.वि.स., उत्तरमा दुराडाडाँ गा.वि.स. र दक्षिणमा तनहूँको मिर्लुङ गा.वि.स पर्दछ । यहाँ यातायातका साधनहरु देखि सम्पूर्ण विकासका पूर्वाधारहरुको विकाश भएको पाईन्छ ।

परेवाडाँडा, जीता र कुन्छा, आउँदै गर, व्लगमा भेट हुन्छ ।

परेवाडाँडा, जीता र कुन्छा,

आउँदै गर, व्लगमा भेट हुन्छ ।

कुन्छाको सामान्य चिनारी

कुन्छा लमजुङको पुरानो सदरमुकाम हो । यो अहिलेको सदरमुकाम वेशिशहरवाट करिव ३२ कि.मी पश्चिममा पर्छ । कुन्छा वि.सं २०२६ साल भन्दा अगाडिको सदरमुकाम तथा अहिर्ले एक गाँउ विकास समिती (गा.वि.स) को रुपमा रहेको छ । कुन्छा भौगोलिक विविधताले सुविधासम्पन छ । यहाँको हावापानी मध्यम स्तरको रहेको छ । यहाँ सामान्न रुपमा नेवार, गुरुङ, व्राम्हण, क्षेत्रि तथा दलित समुदायको वढि मात्रामा वसोवास रहेको छ । कुन्छा गा.वि.स को  पूर्वमा परेवाडाँडा गा.वि.स, पश्चिममा जीता गा.वि.स., उत्तरमा दुराडाडाँ गा.वि.स. र दक्षिणमा तनहूँको मिर्लुङ गा.वि.स पर्दछ । यहाँ यातायातका साधनहरु देखि सम्पूर्ण विकासका पूर्वाधारहरुको विकाश भएको पाईन्छ ।

कुन्छामा व्यापक असिना पानी

लमजुनको पुरानो सदरमुकामको रुपमा चिरपरिचित कुन्छामा नयाँ वर्षको आगमन सँगसँगै आएको हावाहुरी र असिना पानीले गर्दा करोडौँ रुपैँया बराबरको धनमाल नष्ठ गरेको छ । निरन्तर रुपमा चारघण्टासम्म परेको हावाहुरी र असिना पानीले यस्तो क्षती पुराएको हो । साथसाथै छिमेकी गा.वि.स र तनहुँको मिर्लुनमा समेत क्षती पुराएको यहाँका स्थानीय बासिन्दाहरु बताउँछन् ।

प्रधान सेनापतिद्धारा २ लाख सहयोग

 

         प्रधान सेनापति छत्रमान सिंह गुरुङद्धारा आफूले क, ख, र सिकेको स्कूल श्री शान्ति उच्च माध्यामिक विद्यालयको स्वर्ण जयन्तीको अवशरमा २ लाख सहयोग गरेका छन् । लमजुङ जिल्लाको तात्कालीन सदरमुकाम कुन्छामा रहेको विद्यालयमा २०२४ सालमा प्रवेशिका परिक्षा उर्तिण गरेका थिए । उक्त विद्यालयको स्वर्ण जयन्तीमा भाग लिन प्रधानसेनापति हेलिकप्टरमा पुगेका थिए । स्वर्ण जयन्तीको अवशरमा विभिन्न किसिमका खेलकुँद (भलिवल, फुटवल, चम्चादौड, हाईजम्प, लङजम्प), कविता प्रतियोगिता , निवन्ध प्रतियोगिता भएको थियो । उक्त प्रतियोगितामा भाग लिने विजयी खेलाडीहरुलाई प्रधानसेनापति गुरुङले पुरस्कार वितरण तथा सम्मान गरेको कुरा विधालयका प्रधानाध्यापक मुक्तिनाथ घिमिरेले बताए ।