जितामा बृद्ध महिलाको हत्या

पश्चिम लमजुङको जिता गाबिसमा एक महिलाको हत्या भएको छ । जिता गाँउ बिकास समिति वडा नम्वर १ राइपालीकी ६० वर्षिय रेनुका केसीको गएराती अज्ञात समूहद्धारा हत्या भएको हो । केसी घरमा एक्लै भएको अवस्थामा धारीलो हतियार प्रयोग गरी हत्या गरिएको स्थानिय बासिन्दाले बताएका छन । गएराती मृतक केसीकी नातीनी शिक्षकको घरमा पढ्न गएको र बिहान फर्कि आउदा हजुर आमालाई मृत अवस्थामा फेलापारेपछि गाँउलेहरुलाई खवर गरेकी थिइन् । हत्या कसले के कती कारणले गर्यो भन्ने अहिले सम्म केहि थाहा पाउन नसकेपनि घटनाको बारेमा छानबिन गर्न प्रहरी घटनास्थलमा पुगेको र अनुसन्धान शुरु गरेको बताइएको छ ।